Сёння ў свеце налічваецца больш за шэсць тысяч моў. Частка з іх знаходзіцца пад пагрозай знікнення. Менавіта дзеля іх захавання, садзейнічання прызнанню і выкарыстанню ў 1999 годзе рашэннем ЮНЕСКА быў абвешчаны Міжнародны дзень роднай мовы, які адзначаецца 21 лютага.
Мова жывая, пакуль на ёй гавораць.
Разнапланава прайшоў гэты дзень і ў нашай школе. Настаўнікі беларускай мовы і літаратуры далі адкрытыя ўрокі. Яскрава і непаўторна выступілі навучэнцы на конкурсе чытальнікаў “Жывое слова”.